二十歲患強直性脊椎炎 不屈面對

物理治療 Michael個性豪爽，自揭身患無法根治的強直性脊椎炎，此症會令脊椎鈣化致關節極度疼痛，最終令全部脊骨溶合，醫學界相信與遺傳有關。「我二十歲就證實有呢個症，二十二歲就揸拐杖，有兩年直情痛到落唔到床！」

當時他身在美國，幸好得家人的照顧和支持，「如果意志薄弱啲，好易就輕生啦！」他九七年返港，病情加劇，「脊骨有兩節溶埋一齊，右腳痛到想死，行一步都痛，心諗唔通咁就一世？」他把心一橫，決定接受右腳換骹手術。「隻腳有好長疤痕，啲人以為我係黑社會呀！」他哈哈笑道。

現時他多游水和做物理治療，情況已大大改善。「要適應個病，學識點同佢一齊生活。」他希望病患者能積極面對，「一個人有病，就會成個家庭都有病（意即家人也會為此擔心），當年阿爸有cancer（癌症），我哋每星期陪佢上廣州醫，過嘅係非人生活，無論對佢定屋企人，都係好大打擊，所以意志好重要，我唔認輸嘅性格，係咁樣練番嚟！」物理治療